影片
更多
2010-09-06
7 浏览
自问食嘢要求一向唔高，只要唔难食，一般都唔会食到拧哂头。但系呢间真系有咁几能力，难食到要比个喊佢。星期六系始创揾地方食个晏，原本唔系想食呢间，因为佢个个餐都话要成hk$40几蚊，楼上红葱头都只系hk$30零蚊。可惜人地等成7张枱，我又赶时间，咁冇计啦。1) 咕噜鸡球餐，大拿拿成hk$46；唔知系咪大家对咕噜嘅定义有出入，佢个咕噜并唔系我食开嘅咕噜，佢只不过系将茄汁加啲糖再打个茨嘅汁，酸得嚟又唔咸唔甜，亦只系鸡片，粉浆可以同旧雪藏鸡分离，又淋patpat兼冇味，成个饭都系得个难食茄汁味！2) 肉丸意餐，hk$42。个意粉酱食得出系超市有售嘅樽装意粉酱，肉丸食得出系街市冻肉档有售嘅猪肉丸。点解我要比成hk$42蚊出街食我自己都煮到嘅嘢？跟餐叫咗珍珠奶茶同柑桔柠檬，谂住呢啲懒系台湾小吃店，可能碟头饭唔专业，台式饮品就实冇死啦，点知原来系冇关系！杯珍珠奶茶饮咗都唔觉佢系一杯珍珠奶茶，杯嘢系白色，因为落得太多淡奶。冇味，因为主要成份淡奶系冇乜味！另外柑桔柠檬就冇饮，不过就算唔难饮都唔会特别好饮。庆幸经理同侍应服务态度令人满意，但HK$40几蚊一个午餐，对本人嚟讲绝对唔平。而佢可以难食到令我一路食
星期六系始创揾地方食个晏，原本唔系想食呢间，因为佢个个餐都话要成hk$40几蚊，楼上红葱头都只系hk$30零蚊。可惜人地等成7张枱，我又赶时间，咁冇计啦。
1) 咕噜鸡球餐，大拿拿成hk$46；唔知系咪大家对咕噜嘅定义有出入，佢个咕噜并唔系我食开嘅咕噜，佢只不过系将茄汁加啲糖再打个茨嘅汁，酸得嚟又唔咸唔甜，[鸡球]亦只系鸡片，粉浆可以同旧雪藏鸡分离，又淋patpat兼冇味，成个饭都系得个难食茄汁味！
2) 肉丸意餐，hk$42。个意粉酱食得出系超市有售嘅樽装意粉酱，肉丸食得出系街市冻肉档有售嘅猪肉丸。点解我要比成hk$42蚊出街食我自己都煮到嘅嘢？
跟餐叫咗珍珠奶茶同柑桔柠檬，谂住呢啲懒系台湾小吃店，可能碟头饭唔专业，台式饮品就实冇死啦，点知原来系冇关系！杯珍珠奶茶饮咗都唔觉佢系一杯珍珠奶茶，杯嘢系白色，因为落得太多淡奶。冇味，因为主要成份淡奶系冇乜味！另外柑桔柠檬就冇饮，不过就算唔难饮都唔会特别好饮。
庆幸经理同侍应服务态度令人满意，但HK$40几蚊一个午餐，对本人嚟讲绝对唔平。而佢可以难食到令我一路食一路拧头。服务再好都唔可以接受！
张贴