日嚐 (已結業)

去食嘢除咗睇好评之外，应该睇吓啲劣评先知龙与凤。今天去咗间日式定食餐厅，点咗1. 炸鸡配荞麦面套餐，真心炸鸡够脆无问题，但荞麦面系碎嘅，好似厨余咁仲要一夹就散，无荞麦面本身嘅韧性，仲要完全无荞麦味。曾经有人写过话食到麻油香味，我完全体会唔到，而呢间餐厅只提供冷食荞麦面（Zaru Soba)，即系俾个装有面汁同wasabi嘅杯人去捞面冷食，试问荞麦面汁又点会落麻油呢？唔通佢以为自己食出前一丁？连个冷面汁都无鲣鱼味，碟身又矮，啲汁好易贱出来，正常系用杯仔装嘅，完全唔合格，同等价格嘅天丼嘅soba好食过佢好多。2. 叫咗杯饮品叫紫色世界，即系菠萝梳打，但一饮，哗好甜，然后叫佢俾杯水我，点知佢话无水提供。平时去食米线，食拉面都有杯水，点解食Soba无水提供？甜到呕又唔系平仲要无水饮真系不可接受。3. 最后楼面接客态度好差，大声呼喝客人扫安心出行先俾入嚟，你好声好气大家都好做。有其他客仔不满佢嘅态度扫都唔扫就走咗，点知个楼面职员仲同厨房职员哈哈大笑，话走咗仲好。见你咁委屈做生意同咁嘅食物质素真系要等多啲人知道。