祥發茶餐廳

营业中

休息中

同屋企人隔咗好几年再去食，点知啲服务质素同食物都差到咁。。。一入餐厅，都未坐低，就有一位灰白短发女侍应企系度问食咩？大佬啊，未睇餐牌啊未知有咩食啊。。想我答你咩？叫咗佢唔洗理我哋住，等我哋自己睇吓有咩食先，佢就chur住话：咁咪食面啰，就炒面啦！饮咩？我家人话想食饭，佢就即刻落手写炒饭一个，饮咩？我话：未决定啊！你唔好写落单啊！跟住个女阿婶就劲串话：你哋唔系谂住坐两粒钟之后先落单啊？当下真系反晒白眼答佢：系呀！咁又点？俾人谂吓食咩先啦！然后个阿婶就闹我同家人:超！你哋都'霎on'㗎！傻㗎！我哋都当听唔到算，对呢间餐厅嘅服务态度极失望，然后勉强叫咗两碗牛筋腩河同面，牛筋都算还可以而牛腩好麻麻，唔入味又鞋，啲粉面直头系差到接受唔到！河粉又硬又鞋又碎又厚身，好似食紧未煮熟嘅粉团咁！面系明显求其煮，咬唔断又无味又硬！肯定全部都唔新鲜！呢个价钱绝对算好乸贵！唔值！真系觉得呢间餐厅好唔掂，今次嘅经验好极差！所有嘢都退步到咁！永远唔会再犯贱帮衬！浪费金钱同时间！