Red Rice 米飯主題餐廳 (億利工業中心)

营业中

休息中

荔枝角呢头开左呢间新嘅红米主题餐厅, 喺d2隔离, 呢几日中午都好多人排队, 同同事二人嚟左试下。餐牌有好多野食拣, 好杂, 可以话系大fusion有 pepper lunch, 咖哩, 蛋包饭, 喇沙, 焗饭, 海南鸡, 肉饼饭, 韩式炸鸡等等..睇到个menu都疑惑咁多唔同嘅菜式, 究竟边个系佢地主打菜呢? 咁我是但叫左功夫无骨海南滑鸡伴马来喇沙汤手打乌冬, 点知一嚟到, 我地当堂吓一跳:说好的马来喇沙呢, 点解系50岚个假拉面汤底嘅? 点解马来喇沙会有昆布同粟米嘅? 完全有被骗嘅感觉, 虽然我都唔expect呢到会食到啲咩正宗嘅喇沙, 但应该都唔会系50岚呢种汤底挂?食落当然完全唔好味😷食到一半都仲好肚饿, 但都完全唔想食落去😷。。。食到好灰...同事叫左个肥牛铁板pepper lunch, 听讲都好难食。😷😷😷呢间野真系唔会有下次😷menu讲到有咁多野食, 但都系挂羊头卖狗肉嘅。