一泡而紅 (已結業)

叫左个酸菜辣鸡米线同蕃茄薯仔豚肉泡饭 个酸菜辣鸡米线咸到极点 咸到掩盖左个辣味都系第一次见 鸡肉既份量系几多下，但真系又硬又干，劲难食 而且米线淋到整碎晒，一夹就碎另外个蕃茄薯仔豚肉泡饭， 本身都钟意饮汤，特别系茄汤，呢次试都系因为咁岩见到好似好多汤饭选，点知就中伏。 首先讲个汤，一饮酸到极点，系酸到会那埋条眉个只酸，d洋葱多到唔想数，保守估计最少有1/4个洋葱，个几旧蕃茄又系劲酸，食完已经酸到成个口都系阵酸味。薯仔唔讲啦，相比其他部份我已经觉得好好 最后豚肉部份 系ok厚 同都唔少既 但真系好嚡 惟一有样野好就系 虽然睇落去份量唔似好多，但食完系够饱 结论就系如果对味道无要求，只系要求饱就够既可以试下如果对佢既期望系好食既话就千奇唔好试 加埋饮野一个餐60几蚊唔贵但附近绝对大把高质既选择 呢间野真系再平都唔食