初鮨 (已結業)

放假前两日满心欢喜睇吓周围有冇omakase食，难得见呢一间两日前仲book到谂住都去试吓。𠮶日系平日我食12点嘅时段，去到见到吧枱都坐满人，但系非吧枱嘅就仲有几张空位。我自己就坐非吧枱。两个人一个叫咗280 ，一个叫咗380个set，两个set 黎到个女侍应好似背书咁用唔咸唔淡嘅广东话背出寿司嘅名称，但系鱼嘅特性完全冇介绍，背嘅中途甚至唔记得要返去问鱼嘅名称，呢度已经减咗分。去到食物部份，所有寿司嘅味道都好麻麻，$380𠮶个set有一件海胆，但完全唔新鲜的，其他所谓灸烧过嘅鱼生，全部都差唔多味感觉似系好食过元气少少。另外$280𠮶个set所有食物都亦好麻麻。求其一间出边$200楼下食嘅lunch寿司set都好食过佢。食完之后𠮶日甚至肠胃有啲唔系咁舒服，之前食过几间omakase都无呢个情况出现。到最后终于明白点解两日前都仲可以book到位，同埋非吧枱既都仲有空位。 完全系贴钱买难受，希望唔会有人再中伏。