影片
更多
2022-05-16
641 浏览
铜锣湾的正常食物太多了。请不要浪费金钱食八沢。在大约一年前，我有嚟过呢间嘢食日本菜，啲乌冬的确系唔错，琴日突然间兴起想食乌冬，就谂起呢间舖头。点知原来佢转左Menu，而家变咗做泰国菜，冇晒以前啲嘢食。虽然有啲失望但系既然一场嚟到试吓佢嘅泰国菜都唔紧要啦，话晒之前嘅日本菜都有返咁上下水准。以下我讲嘅说话少少都冇夸张到，呢间舖头琴日啲嘢食我敢讲系我20几年人生入边食过最难食嘅餐厅，没有之一。完全理解唔到点解可以整得咁难食。恕我太唔开心冇帮食物影到相，但系可以话，净系睇卖相已经见到完全唔合格。琴日食午餐叫咗三样嘢1）冬阴功海鲜汤金边粉卖相：极度浅色，完全唔似冬阴功颜色，颜色系出前一丁麻油面净系落咗¼包汤粉嘅颜色，见佢有少少红油喺顶浮住。味道：酸。好酸。剩系得酸。没有任何味道。直程系醋味。配料方面，有几只虾 一粒带子 一条蟹柳。三样都冇乜特别，纯粹摆咗落去一齐碌嘅感觉。冇预先煎香炒香或其他处理，就系同𠮶煲酸汤一齐煮。配料如果唔系咁酸勉强可以入口，所以我用餐厅提供嘅水冲完都有食。2）泰式炒金边粉卖相：星洲炒米嘅颜色，有几束脓左嘅面条，完全夹唔起，一饼野嘅感觉，只要你求其夹起一束，成个面都会攞起，
在大约一年前，我有嚟过呢间嘢食日本菜，啲乌冬的确系唔错，琴日突然间兴起想食乌冬，就谂起呢间舖头。
点知原来佢转左Menu，而家变咗做泰国菜，冇晒以前啲嘢食。虽然有啲失望但系既然一场嚟到试吓佢嘅泰国菜都唔紧要啦，话晒之前嘅日本菜都有返咁上下水准。
以下我讲嘅说话少少都冇夸张到，呢间舖头琴日啲嘢食我敢讲系我20几年人生入边食过最难食嘅餐厅，没有之一。完全理解唔到点解可以整得咁难食。恕我太唔开心冇帮食物影到相，但系可以话，净系睇卖相已经见到完全唔合格。
琴日食午餐叫咗三样嘢
1）冬阴功海鲜汤金边粉
卖相：极度浅色，完全唔似冬阴功颜色，颜色系出前一丁麻油面净系落咗¼包汤粉嘅颜色，见佢有少少红油喺顶浮住。
味道：酸。好酸。剩系得酸。没有任何味道。直程系醋味。配料方面，有几只虾 一粒带子 一条蟹柳。三样都冇乜特别，纯粹摆咗落去一齐碌嘅感觉。冇预先煎香炒香或其他处理，就系同𠮶煲酸汤一齐煮。配料如果唔系咁酸勉强可以入口，所以我用餐厅提供嘅水冲完都有食。
2）泰式炒金边粉
卖相：星洲炒米嘅颜色，有几束脓左嘅面条，完全夹唔起，一饼野嘅感觉，只要你求其夹起一束，成个面都会攞起，痴笠笠，真心，10分1嘅价钱我都觉得贵
味道：同卖相不相伯仲。味道方面，如果叫做普通蛋炒米粉可能会冇咁高要求。但系唔知点解成个面都有浸酸味。唔系金边粉正常嘅甜酸味。我唔知系加咗醋定系有少少豆腐发臭嘅酸味。面质口感黐立立，软糯，0分。配料方面，几只虾同上面个冬阴功汤面一样，没有补充。干豆腐极硬，难食得好夸张。我谂唔到有边样嘢特别难食，因为成个金边粉都难食得好夸张。我唔知我咁样呢篇讲会唔会被禁，但系我敢讲我真系冇夸张 冇偏见，因为我以前都觉得佢日本菜好食，不信你可以去试试。
3）泰式奶茶
卖相：黎杯顶约少左3cm 唔够满。但系唔太过份
味道：正常泰式奶茶。难得及格。全店唯一可以吞晒落肚嘅野
张贴