公車泰國餐廳

营业中

休息中

系香港食过最难食嘅泰国菜，无一样野系好食嘅！首先，叫左黄咖喱鸡配薄饼，薄饼一早上咗，咖喱10分钟后先上，当咖喱到咗嘅时候薄饼已经硬过石头。咖喱味道似茶餐厅港式咖喱，啲雪藏鸡，完全唔入味，得雪味。马拉盏炒肥牛通菜，好咸，又食唔到马拉盏，啲菜又老。海鲜冬阴功汤个味道还可以，但系用雪藏海鲜，已经雪到烂，扣哂分。猪手都算大碟，但个味又咸又甜，好奇怪。猪肉生菜包，炒得唔香，卖相又差，但味道系接受到嘅。炸虾饼、炒金边粉、火车炒饭，味道中规中矩，得依几样屋企人系食得多少少，其他系食几啖就无人再夹。唔知系多打手定厨房佬今日心情唔好，成餐饭食完系唔开心，好难无食过啲咁难食嘅野。请都唔会再返黎食。