花園餐廳 (康寧道)

营业中

休息中

见好耐冇去过花园餐厅食牛扒，又见搬左新地方，谂住去食吓牛铁板[]既牛扒，点知一食之下都唔知几时够胆再去 。我地点左三款食物，西冷纽西兰牛扒，黑椒纽西兰牛柳同红酒烩牛舌意粉，两款扒都有餐汤同餐饱跟，餐饱有番热尚算可以，罗宋汤里都有D薯仔，洋葱，红萝卜，都算合格，但系D主菜就我点左六成熟都算做得到，至于D牛柳冇肉味又鞋，牛扒有少少肉味但系都系鞋左D，反而牛舌意粉既牛舌淋过D牛扒，但系意粉就好少，要比较细食既人先[]岩喇！我都知道一分钱一分货，但系收$105既牛柳比大家乐既六十蚊有找既铁板餐还差咁就有D过份喇！最惨系D待应好似想你快D埋单走，系咁收野，又问你系唔系要埋单