一粥麵 (安基商場)

营业中

休息中

好耐都冇食过煲仔饭。见呢几日天气劲涷，谂住食个煲仔饭暖吓身。记得几年前在呢间快餐店食过一次几好食，今日午餐就再去食佢嘅煲仔饭。叫咗个凤爪排骨煲仔饭，问佢可以多饭吗？佢话唔可以。记得几年前去呢度食嘅时候，佢都有俾多兜饭仔。现在“菇寒”咗。冇计，照食，唔够饱再食其他嘢填肚。讲真，个煲仔饭真系好少饭，食完一定唔够饱。饭焦系有，但好㶶，又黑又硬，食唔到。最离谱系d排骨，超“鞋”，吞唔到，吐返晒出嚟。凤爪又甜，冇食到。整个煲仔饭都只系微暖，唔太热。同几年前喺到食过嘅煲仔饭味道差太远。真系冇下次，今次认真仲伏。咁嘅质素仲要卖成五十几蚊一煲，真系唔值。