Häagen-Dazs (已結業)

有兩張$50現金卷諗住快啲用埋佢, 昨晚喺銅鑼灣食完飯就同老婆去咗Timesquare嗰間食, 以前只係試過買走食, 未試過堂食, 原來會貴咁多, 買走3球雪糕只係$59, 但堂食兩球已經$58, 嘩, 每球貴成$10, 我仲以為眼花添, 所以都係轉番買走喇! 因為鍾意綠茶味, 所以叫兩球綠茶, 一球芒果試吓, 一路行一”畢”落去發現係一球綠茶兩球芒果, 唯有望隻芒果味唔會難食啦, 但實在太甜喇, 連綠茶味都平衡唔到佢嘅甜, 太失望, 入面仲有一舊舊雪到死實實嘅嘢, 又食唔到有芒果味, 所以唔知係咪果肉, 兼且仲要捱兩球添, 老婆後來都放棄俾埋我食, 我話過下次只會叫三球綠茶, 咁實冇搞錯喇啩!