鼎爺廚房

营业中

休息中

今次喺鼎爷厨房嘅外卖自取实在令人失望。因为本人开紧会唔得闲去攞，所以叫咗同事帮我去攞，所以冇检查张单，就算间餐厅好近，但系我哋其实都系第一次叫，点知道原来一次冇检查就出事。首先，过桥米线，猪肉（定唔知鸡肉）好难食，牛肉有怪味，仲有送错单嘅问题，整体体验好差。本应该阿爷叉烧五宝饭系饭嘅部分，餐厅竟然提供咗米线代替，冇佐个饭。叫五宝饭但提供嘅𩠌却只有四种，仲要唔清楚究竟少咗咩配菜（可能系咸蛋）。五宝饭变咗四宝米线，仲要外卖APP话我哋自取，冇得退钱。最后，叫佢走韭菜，但佢竟然一条都冇走过。一张单两个午餐可以错咁多嘢都真系匪夷所思，我完全未见过。真系唔怪得知其他人明明知道呢间餐厅咁近，但系从来都唔去帮衬。今次出面落雨落到狗屎咁样，我哋先至走去叫外卖自取，点知中晒伏。P.S. 有几个同事都系叫外卖自取，但系间餐厅系直程漏咗佢哋张单。所以佢哋好好运可以退钱，然后走去第二间食。