等等HEA

营业中

休息中

今日星期日，特登去九龙城揾食，次次落去都食泰国嘢，今次不如食其他啦，想OpenRice见到呢一间餐厅，有几多人like，特登行过去睇吓间餐厅。见到入边都冇人食，见到佢门口写有鸡煲又烤鱼，然后即刻有个姐姐冲出嚟，系咁话我平啲俾你啊， 399两位，我话仲有冇其他费用啊？佢话加埋501，再送埋嘢饮俾我哋任饮，跟手我行咗一阵间，是但啦去试吓啦。入到去，叫咗个烤鱼香辣味，上到嚟见到个汤底就已经唔对路，唏哩呼噜水咁嘅样，条鱼硬骨骨又鱼腥味好重，啲鱼肉又硬。佢有啲小食 流心蛋，只有这个我觉得OK，阿宗面线难食没有味道的，盐酥鸡不过不失，台式饮品都系一般嘢。然之后再叫一个细细份嘅鸡煲，我都唔敢叫太大份一阵间唔好食又浪费咗，点知啲鸡有两种唔同嘅样，我极度怀疑系啲炸鸡用唔使炒埋一堆当鸡煲上。 加埋食咗都冇30分钟，我已经走啦，因为真系好难食。买单睇清楚，原来仲有每一位$28的假日附加费。一定唔会再有下一次。