馬泰

营业中

休息中

今日女朋友话想食泰国菜，就系openrice揾咗呢间马泰，见到价钱还可以，位置又方便，咁就满怀期待咁样去试。去到拣咗个近门口既位坐底，每次开门啲热风吹入嚟都好热，然后不断有人开门，搞到长期都好热，每次感觉到开始有冷气就有人开门。今日大概晚上7点去到，都有几枱客，环境还好枱都阔落，不过侍应就讲普通话为主，亦都有少量嘅大陆游客，怀疑系大陆网红店，本住唔嚟都嚟咗，就嗌咗几个菜同埋饮品。串烧 72马拉盏炒通菜68青咖哩鸡扒饭 6x泰式炒金边粉 88马来拉茶 28班兰椰汁冰28串烧有两牛、两鸡、几旧多士、沙爹酱，牛肉串唔错几香有少少筋，鸡串唔知系唔系放太耐啲肉有少少奇怪酸味、好干。马拉盏炒通菜调味应该唔错，但系咪唔知落得好多料，非常非常非常咸，咸到完全唔想食。青咖哩同鸡扒都正常，不过感觉就系将所有嘅菜同鸡放落盆，然后再落啲青咖哩汁。泰式炒金边粉最难食，有阵非常奇怪既酸味，食左两啖就唔想再食落去，基本上整碟都冇食过。就系呢个金边粉难食到我第一次写一个评语，一个负评。两杯饮品都好饮性价比都高。差唔多食完嘅时候发现个青咖哩入面有条铁线，不过都食完所以就算数，下次真系唔会再食。