開餐 (已結業)

经过佐敦， 唔知附近有咩好食就上openrice揾下。见到呢间"开餐"几多好评，又印哂猪讲哂香港人加油咁，咪入嚟试下啰 一入到嚟就有个mk哥哥企喺门口啤住你，喝你扫安心出行 喂哥哥，入嚟食个饭姐，唔使咁冇礼貌呀？ 着住hoodie笠住帽再加多顶cap帽好似好有型咁，小弟见识少真系第一次见侍应着成咁。不过你着咩系你嘅自由，无人会得闲话你，不过你落单个态度就帮唔落喇，仲衰过茶记，落单十问九唔应，西口西面，落完单之后仲一手劈张单落枱。好喇，到上菜喇，型仔哥哥系唔识叫你借借放野架，直接摄埋嚟放喺枱边，唔觉意就会一手扫落枱果只 鳗鱼鸡扒饭上到嚟，无乜味，饭系唔热嘅，衰过自己屋企煮，唉贴哂连侬猪香港人加油都帮你唔到啦，态度衰，野食又唔掂。呢间永久blacklist食物唔好食都算，态度差到咁我冇得罪你架㖞大佬，食饭好似受难咁，不过今时今日放几只猪就有人排队食㗎喇， 馒头真系好好食呀！