影片
更多
2023-10-13
170 浏览
第一次食，等咗几张枱10令分钟左右都算快。入座前落单付款职员讲定用餐时间45分钟。自己叫咗招牌豆浆豆花𠮶款(热)，豆浆无咩味都算，可以催眠自己当低糖健康啲😏 但豆花芋圆少到呢，仲要碗嘢系微暖🥴有啲呕心。。好似一碗热嘢摊冻晒咁！系咪我对“热”嘅认知错咗🤢 成碗嘢好难食。不过2个朋友叫冻鲜草就话正常。。食到差唔多，负责叫飞/落单/收钱/赶客企门口counter 𠮶位女职员就行过抛低一句“用餐时间到啦要交枱”。。咁好啦，大家念住payme埋整理下啲随身物品就起身，唔够5分钟同一个职员再行嚟催我哋走！边gut起身打算走嘅同时，同朋友对望一下大家都觉得应该无坐到45分钟咁耐架，望一望张单8:51pm入座！即系食咗30分钟已经同我哋讲够钟要交枱，5分钟唔够再催！行出门口见到𠮶位女职员同佢讲：都未够钟，你催咩啫？佢答我哋：因为我有客等紧！所以我哋唔系客？够钟嘅，你要我起身好合理，但因为你有客等紧枱，我就要未够钟未食晒都要起身系咩道理！？我好嬲答佢咁用餐时间系45分钟嘛！佢再口嗡嗡驳嘴话“都差唔多啦”。。。。呢位小姐向30分钟时已经叫我哋走！好想请问佢出粮出2/3系咪都会当差唔多！又唔好食，好赶客！奉
自己叫咗招牌豆浆豆花𠮶款(热)，豆浆无咩味都算，可以催眠自己当低糖健康啲😏 但豆花芋圆少到呢，仲要碗嘢系微暖🥴有啲呕心。。好似一碗热嘢摊冻晒咁！系咪我对“热”嘅认知错咗🤢 成碗嘢好难食。不过2个朋友叫冻鲜草就话正常。。
食到差唔多，负责叫飞/落单/收钱/赶客企门口counter 𠮶位女职员就行过抛低一句“用餐时间到啦要交枱”。。咁好啦，大家念住payme埋整理下啲随身物品就起身，唔够5分钟同一个职员再行嚟催我哋走！边gut起身打算走嘅同时，同朋友对望一下大家都觉得应该无坐到45分钟咁耐架，望一望张单8:51pm入座！即系食咗30分钟已经同我哋讲够钟要交枱，5分钟唔够再催！
行出门口见到𠮶位女职员同佢讲：都未够钟，你催咩啫？佢答我哋：因为我有客等紧！所以我哋唔系客？够钟嘅，你要我起身好合理，但因为你有客等紧枱，我就要未够钟未食晒都要起身系咩道理！？我好嬲答佢咁用餐时间系45分钟嘛！佢再口嗡嗡驳嘴话“都差唔多啦”。。。。呢位小姐向30分钟时已经叫我哋走！好想请问佢出粮出2/3系咪都会当差唔多！
又唔好食，好赶客！奉劝钟意食嘅客都唔好嚟呢间分店！
张贴