影片
更多
2023-10-01
278 浏览
谂住中秋同屋企人食烧肉庆祝，5日前喺KKday book咗位俾哂钱。前一日先打嚟话原来无我book嘅时段，要我改迟一个钟先有位。因为有长者一齐食，所以我话唔方便改，佢就话改唔到唔紧要，可以退返钱俾我😑 重点都唔系钱啦，突然之间点揾间餐厅仲有位book呀？仲要系红日假期！佢开始就懒落KKday度，又话自己有500几张订单，抄单抄到𠮶一刻先知full booking。管理都几有问题！最后系佢妥协叫我哋照原本时段过去食。去到餐厅，其实地方超细，廿张枱都无。雪柜野饮全部唔够冻。攞调味料位置个天花板仲要滴水。食嘢张枱地下系湿嘅。极度唔卫生。食物方面，牛肉超薄，牛仔骨好韧，我哋已经系无烧到最熟。海鲜就好啲嘅。最后佢递咗张单俾我哋，系俾加一服务费同叫雪条嘅。我哋就谂住就叫埋最后一round野食，打开个QE code 已经话无得叫！last order系唔会通知你哋一声，可能预咗客人自己较定闹钟提自己last order啦！咁咪叫雪条啦，谂完一轮食咩味，递返张单俾佢哋，佢哋先话无芒果味，一早又唔讲架㖞。全家人已经对餐厅服务态度劲失望，最后就走谂住埋单。问佢哋收咩，个男人答：除咗现金，咩都唔收，你落订嘅
前一日先打嚟话原来无我book嘅时段，要我改迟一个钟先有位。因为有长者一齐食，所以我话唔方便改，佢就话改唔到唔紧要，可以退返钱俾我😑 重点都唔系钱啦，突然之间点揾间餐厅仲有位book呀？仲要系红日假期！佢开始就懒落KKday度，又话自己有500几张订单，抄单抄到𠮶一刻先知full booking。管理都几有问题！最后系佢妥协叫我哋照原本时段过去食。
去到餐厅，其实地方超细，廿张枱都无。
雪柜野饮全部唔够冻。攞调味料位置个天花板仲要滴水。食嘢张枱地下系湿嘅。极度唔卫生。
食物方面，牛肉超薄，牛仔骨好韧，我哋已经系无烧到最熟。海鲜就好啲嘅。
最后佢递咗张单俾我哋，系俾加一服务费同叫雪条嘅。我哋就谂住就叫埋最后一round野食，打开个QE code 已经话无得叫！last order系唔会通知你哋一声，可能预咗客人自己较定闹钟提自己last order啦！咁咪叫雪条啦，谂完一轮食咩味，递返张单俾佢哋，佢哋先话无芒果味，一早又唔讲架㖞。
全家人已经对餐厅服务态度劲失望，最后就走谂住埋单。问佢哋收咩，个男人答：除咗现金，咩都唔收，你落订嘅时候已经讲咗架啦。我睇返KKday完全唔见有讲㖞！就算有都唔使咁无礼貌嘅。今时今日咁嘅服务态度都得嘅？讲真如果野食唔掂我仲可以体谅。嚟食饭仲要受气真系接受唔到！
我系第一次喺open rice写食评，因为真系唔想有人中伏！
张贴