影片
更多
2018-01-14
557 浏览
唔讲其他，食评只讲食物，已够差了。。我们这一家，2大2小，是日晚餐点咗：薯蓉青菜汤、白酒煮蚬、炸鱿鱼圈、葡国肠焗鸭饭，牛肋骨。等我续样讲：薯蓉青菜汤~ 其实系一碗忌廉汤加薯蓉，至于青菜~有嘅，三几条啰！我认识嘅正常青菜汤应该系半透明带微黄嘅汤（因有薯蓉），然后清晰可见满满嘅青菜，每一羹装起都好多菜，再加少少烟火腿丝；但呢碗嘢一上枱，我仲以为佢比错忌廉汤我！中间有一小撮菜，都唔知有无三条，再加切到好厚嘅葡国肠两块，完全唔系𠮶回事!白酒煮蚬~雪藏蚬就预咗㗎喇，但雪到完全无味嘅又难得嘅! 碟嘢除有少少酒味，𠮶啲贝壳类有蚬肉嘅咬口外，其他真系唔知点形容。。啲蚬系完全无蚬味嘅，啲汁又好少，食面𠮶啲就无汁又无味，食到底又咸，碟嘢好细碟，但就有好多唔开口嘅蚬，净系我自己一个用手打开都有10只，未计我老公! 此足以证明佢唔单止雪藏，仲要系死咗一段时间先雪炸鱿鱼圈~ 刚上枱个卖相几好，用义一拮落去就知“濑”嘢! 刚炸起都可以硬到要用力先拮到落去，咬落好似炸过笼咁都系硬嘅，都唔知佢啲炸粉点调较。反而摊冻咗“淋”啲易食啲。牛肋骨~ 我写食评同做人一样都系持公平态度，唔好就唔好，好嘅都如实回报。呢碟牛肋骨系整
我们这一家，2大2小，是日晚餐点咗：薯蓉青菜汤、白酒煮蚬、炸鱿鱼圈、葡国肠焗鸭饭，牛肋骨。等我续样讲：
薯蓉青菜汤~ 其实系一碗忌廉汤加薯蓉，至于青菜~有嘅，三几条啰！我认识嘅正常青菜汤应该系半透明带微黄嘅汤（因有薯蓉），然后清晰可见满满嘅青菜，每一羹装起都好多菜，再加少少烟火腿丝；但呢碗嘢一上枱，我仲以为佢比错忌廉汤我！中间有一小撮菜，都唔知有无三条，再加切到好厚嘅葡国肠两块，完全唔系𠮶回事!
薯蓉青菜汤
$38
26 浏览
0 赞好
0 留言
白酒煮蚬~雪藏蚬就预咗㗎喇，但雪到完全无味嘅又难得嘅! 碟嘢除有少少酒味，𠮶啲贝壳类有蚬肉嘅咬口外，其他真系唔知点形容。。啲蚬系完全无蚬味嘅，啲汁又好少，食面𠮶啲就无汁又无味，食到底又咸，碟嘢好细碟，但就有好多唔开口嘅蚬，净系我自己一个用手打开都有10只，未计我老公! 此足以证明佢唔单止雪藏，仲要系死咗一段时间先雪
白酒煮蚬
12 浏览
0 赞好
0 留言
炸鱿鱼圈~ 刚上枱个卖相几好，用义一拮落去就知“濑”嘢! 刚炸起都可以硬到要用力先拮到落去，咬落好似炸过笼咁都系硬嘅，都唔知佢啲炸粉点调较。反而摊冻咗“淋”啲易食啲。
牛肋骨~ 我写食评同做人一样都系持公平态度，唔好就唔好，好嘅都如实回报。呢碟牛肋骨系整餐最好食，牛味唔错，又煎得啱啱好，唔靭又保留到少少肉汁，份量算多，有整整3条，再加一小筒薯条。呢碟系整餐饭最好食嘅，但系呢间唔系美式而系葡式餐厅，咁就好难攞分啦！
最后，系全餐饭最最最最难食嘅一道菜，我两个女食一啖掉低，食到我老公讲粗口!（用代语词因有小朋友）大家有无试过家企煮饭落少咗水所以生米？或者炒饭落少咗油又炒得太耐所以烘到啲饭干哂? 呢碟自称“焗饭”嘅嘢，入口干到食一啖要饮啖水，唔系我惊啃亲！成碟饭又系无味嘅，呀唔系，系有啲啲啲啲Tabasco味，炒起饭底，碟底有一堆如柴嘅肉，我估系佢menu所讲嘅鸭肉啰，但我觉得佢“嚡”过我奶奶煲完汤𠮶啲汤渣里面旧瘦肉！
2大2小对呢餐嘅评价~
大女话：唔好食，都唔系我哋食开嘅葡国菜
细女话：我净系食面包同薯条得㗎喇
我：伏系要中嘅，无下次啰~
老公：xyz#&?! 咁难食仲要咁贵!
唔怪得晚饭时间，位于海运大厦当眼靓舖位嘅呢间餐厅竟然唔洗等位，只得唔够半间有客。。。
讲完~
张贴
