永

营业中

休息中

呢间餐厅真系可以话的相系完全极度难book。其实我已经book咗大半年都book唔到，皇天不负有心人，终于俾我book到间房试到呢间餐厅系咪即系传说之中咁神。地方比我想像之中细，出边极少枱，然后就三间大房。我哋𠮶日就系book咗间房，而book间房嘅好处就系可以识到一啲特别小小嘅菜式，就系佢嘅煲仔饭。食物质素可以讲话真系好好，头盘四道菜以「象拔蚌配云南皱皮椒及海茸」我认为系最出色，象拔蚌新鲜有咬口，以皱皮椒真系起咗个画龙点睛嘅作用，令到成个象拔蚌非常惹味! 其他三条都唔错，不过就系预期之中嘅好味。永食材都非常之新鲜，当中煲仔饭的而且确非常惊喜，「永煲仔饭」用上自制白腊肉赤米虾干煲仔饭，白腊肉入口即溶，煮得啱啱好嘅米粒配上虾干，成个煲仔饭好好食。最后就系甜品，我冇谂过甜品。都可以咁好食，水果就唔使多讲，当然就系新鲜就最好食，但系真系冇谂过个冬甩可以好食到咁，外皮椒脆，内里的流心莲蓉，简直正到晕，如果有得外卖，我一定买十个八个返屋企食🥰🥰🥰虽然呢一餐价钱很贵，好多人嘅评论都比较参差，但我个人觉得食材同埋味道真系都可以值得再次帮衬。至少佢比嘅菜式都系货真价实。