Cafe de Tiffany (已結業)

是日收工到粉岭，晚膳时间遇上大雨，咁啱见到呢间餐厅。 由于被门面吸引，所以决定试一试。大雨令到衣裤有啲湿，所以想拣返冷气无咁大嘅位置。本身店员想带我哋入指定位置，但见我哋有犹豫，都表示其他位置坐都无所谓。态度方面值得一赞。是次点左杂扒餐，龙虾汁海鲜意粉同一个烟三文鱼凯撒沙律。虽然正值晚巿，但食晚好快送上。首先系跟餐嘅餐包餐汤。餐汤正常，而餐包就有惊喜。包身质感软熟，上枱前有翻热过，轻易溶化牛油。食过沙律后到主菜。先上嘅系杂扒餐。杂扒餐份量好大，估计唔止一人份量。鸡扒煎得香脆，猪扒牛扒亦唔觉韧或者嚡身。相比杂扒，意粉味道相对淡（但都可能因为食完扒类已经好饱 😂），不过依食到虾肉有鲜味，露笋煮得啱啱好，翠绿之余又脆口。最后送上每人一粒雪糕球，今餐真系好满足。