甜入心 (已結業)

星期天要出去呢头买电脑配件, 又遇著落雨, 行到攰攰地就最岩揾间食店坐下, 呢头既选择都有各式各样, 行下行下又比我地发现到呢间甜品舖入坐率都有八成, 好彩咁岩有张枱可以坐低........HEE...HEE....甜品种类选择都唔少, 有连心窝夫, 吐司类, 飘雪冰, 饮品, 冰冻/滋润热汤水而呢度最出名既可算系椰皇子家族, 成员都有好几个, 一定选到岩食既然咁出名, 当然要试下啦, 呢款焦糖布甸椰皇子($36/暖), 有冻/暖选择, 原只椰皇入面包括椰子水冻, 面头再有原只焦糖布甸, 食落口感滑嘟嘟, 焦糖既甜味混合椰青既清甜味, 两者可以成为好朋友!身为榴梿控的我, 每次都忍唔住叫有榴梿成份既甜品, 呢款榴梿飘香椰皇子($49/冻), 原球榴梿果肉放在清香椰子水冻上, 加上椰子汁一齐食, 香浓甜美既榴梿肉同滑嘟嘟既椰子水冻一齐食, 两种果香味大爆发, 口味独特!食完D唔驶点咬既甜品,又想食D"硬野", 呢款芒果吐司粒粒山 ($48), 份量足够二人分享, 脆香多士粒被芒果酱重重包围住, 顶上仲有一球满有果肉粒既芒果雪糕, 用叉"吉"住食好方便!邪恶一D再点埋酱汁及雪糕一齐放入口,