Bistro Bloom (已結業)

一放假就食唔停！相约朋友去食个tea，倾下计，太开心喇！Bistro Bloom个afternoon tea set都算几抵食，咸点有酥皮批，两款口味嘅bruschetta，我觉得烟三文鱼比较咸咗少少，唔系好食到个citrus味。甜点都有好几款，有creme brûlée, mixed berry tart, macaron, 奶冻同埋chocolate nut cake。我觉得个crime brûlée 同mixed berry tart都不过不失，唔算好有惊喜。Macaron就唔会太甜，食完一粒都仲会想食第二粒，都几好。个chocolate nut cake食到有d无花果嘅味，又有d果仁粒，都几得意呀，朱古力味唔系太浓，如果朱古力味再重少少就好喇。我哋仲额外叫多份薯条添！热辣辣，有三个酱可以点，有truffle mayonnaise，茄汁同埋mustard，三个酱点薯条都好食，我哋都系钟情于truffle mayonnaise，好快就食晒喇！今个afternoon tea好满足呀！