影片
更多
2019-11-19
207 浏览
Foxglove 位于中环都爹利街印刷行二楼，餐厅由设计名师 NC Design & Architecture 工作室所设计，沿途你会见到好多以金属同铜铸造而成嘅遮柄，门口冠冕堂皇，入口两旁嘅玻璃柜内摆放住唔同款式嘅雨遮，而呢啲遮都系由成立于 1868 年英国经典雨伞品牌 Fox Umbrella 嘅出品，以全人手制作见称。摆放喺陈列柜内嘅雨遮不单止可供购买，客人更加可以按照自己嘅需要同喜好进行订制，而且每一把都终生保用。Foxglove 既系雨遮店，同时亦系一间餐厅，造成陈列柜一般嘅暗门个机关就收埋喺隔离个遮筒入面，打开后喺耳边萦绕嘅系跃动嘅爵士乐，感觉既新奇又有诚意。入到餐厅望到近百年前嘅头等舱设计，令我谂起经典电影铁达尼号，呢间餐厅总共分成三个部份，当中包括一个以飞机头等舱作为主题，设有吧台同埋能够容纳 80 人嘅大厅、一个以传统火车头等舱作为灵感设计，能容纳 30 人，特别为款待贵宾而设嘅 V.I.P 房、以及一个用来款待非常重要人物嘅秘密贵宾V.V.I.P.房，里面摆放住几张豪华真皮座椅、书柜同埋大理石吧台，不禁令我幻想自己系一位机智多谋嘅「金牌特务」，同电影中嘅主角喺特务巢
Foxglove 位于中环都爹利街印刷行二楼，餐厅由设计名师 NC Design & Architecture 工作室所设计，沿途你会见到好多以金属同铜铸造而成嘅遮柄，门口冠冕堂皇，入口两旁嘅玻璃柜内摆放住唔同款式嘅雨遮，而呢啲遮都系由成立于 1868 年英国经典雨伞品牌 Fox Umbrella 嘅出品，以全人手制作见称。摆放喺陈列柜内嘅雨遮不单止可供购买，客人更加可以按照自己嘅需要同喜好进行订制，而且每一把都终生保用。Foxglove 既系雨遮店，同时亦系一间餐厅，造成陈列柜一般嘅暗门个机关就收埋喺隔离个遮筒入面，打开后喺耳边萦绕嘅系跃动嘅爵士乐，感觉既新奇又有诚意。
入到餐厅望到近百年前嘅头等舱设计，令我谂起经典电影铁达尼号，呢间餐厅总共分成三个部份，当中包括一个以飞机头等舱作为主题，设有吧台同埋能够容纳 80 人嘅大厅、一个以传统火车头等舱作为灵感设计，能容纳 30 人，特别为款待贵宾而设嘅 V.I.P 房、以及一个用来款待非常重要人物嘅秘密贵宾V.V.I.P.房，里面摆放住几张豪华真皮座椅、书柜同埋大理石吧台，不禁令我幻想自己系一位机智多谋嘅「金牌特务」，同电影中嘅主角喺特务巢穴入面进行秘密会面。
餐牌由深蓝色嘅皮套包住，格调高雅，同梳化上嘅用色首尾呼应。
前菜系榄角四季豆，榄角嘅味道同四季豆从来都系绝配。
麻辣牛腱，麻辣牛展辣度温和，虽然看似一盘红油，但系食落一啲都唔会觉得油腻，并带著点点嘅麻香，牛展以薄切呈献，口感很好。
陈醋烧香菰，切粒嘅香菰先以走油泡制，呢一下嘅走油令到个菰嘅口感有少少似肉类，酱汁味道酸酸甜甜，带有陈醋嘅余韵，同有啲似肉类嘅香菰非常配衬。
花雕粉丝蒸阿拉斯加蟹肉，新鲜阿拉斯加蟹脚，啖啖肉得嚟味道鲜甜，用少少花雕清蒸，最能够食出蟹肉嘅鲜味。
酥香惹味豆豉鸡，传统嘅豆豉鸡以极精致嘅卖相呈现，香脆嘅外层包住嘅系嫩滑嘅鸡肉，喺鸡肉嘅罅隙中充斥九层塔，颠覆咗豆豉鸡一贯俾人嘅印象。
素蟹粉炒蛋白，素蟹粉以鲜甜嘅甘笋造成，甜美嘅程度绝不比真正嘅蟹粉逊色，蛋白无落到太多油去炒，但系仍然能够做到滑溜嘅口感，美妙。
香葱和牛炒饭，和牛炒饭炒得干身，饭粒粒粒分明，和牛嘅油香均匀咁样撒满喺每一粒炒饭上面，系一个充满罪恶感但系又令人相当满足嘅炒饭。
甜品一共有三款，分别系黄金脆奶卷、玫瑰枣皇糕以及状元汤丸，个人觉得黄金脆奶卷做得最出色，脆奶卷嘅外皮酥脆，有少少似酥皮蛋挞𠮶层皮咁样，内馅牛奶味道香浓，甜度亦系我钟意嘅程度；枣皇糕口感烟韧，红枣嘅味道较重，配以少少清香嘅玫瑰味，有够特别。
Foxglove 俾人一种容易亲近，但系又不失绅士专属嘅神秘风采。Foxglove喺呢度建构咗一个秘密嘅享乐天堂，但系又唔再需要有咁多门槛，只要有颗高贵奢华玩乐之心，就能达成。
张贴
