焱手工涮涮鍋 (已結業)

焱手工涮涮锅，第一次黎食，入面既位都吾少而且系宽敞既,我地叫左每人一set焱选套餐，有前菜，两款汤底，五款海鲜，一款肉，一个丸类拼盘，菜，甜品同埋自家制既紫贝天葵。汤底我地就拣左雪山飞龙锅（蛋白球配龙趸鱼汤）同青花麻辣锅，今次想重点讲下佢既雪龙锅先，一上枱既卖相都已经吾错，再装左少少汤试味，鱼汤好浓郁虽然有少少咸左Ｄ，但佢胜在真材实料，系汤里面的确有龙趸肉的，而麻辣锅既麻度同辣度都吾错，吾会净系得个辣字，另外佢依个汤底正常系会有少少药材味的。基本上佢每一种配料既味道都几标准嘅。其中想特别讲一讲佢嘅手制响铃卷，同埋海鲜拼盘。佢嘅响铃卷好大条，浸落水都唔会即刻淋晒，食落去好香口，几厚身，好食过平时买𠮶啲～以佢嘅海鲜拼盘系由厨师每日选择五款最新鲜嘅海鲜组成既。 其中圣子同埋带子都好新鲜同埋好大只， 圣子煮完唔会太过韧， 带子就好爽口，可惜一人只得一只。 最后嘅甜品系由佢哋自家制的云呢拿雪糕，香草味好浓，雪糕软熟，比得上出面大牌子嘅雪糕 好好食。下次出粮之后，有机会仲会再来的😜