影片
更多
2008-07-21
25 浏览
得知茶园既甜品自助餐,由七月头至八月尾以雪糕为主题,身为雪糕痴既雪仪就梗系要试下啦!未够八点已经可以入座,但系自助餐到八点先正式开始。攞野食之前先逛一逛,发觉真系好多好多选择,一角系的骰迷你杯类,一角系芝士,一角系生果,一角系蛋糕,一角系中式甜品,一角系法式杏仁蛋白饼同朱古力,一角系雪糕同雪葩,一角系雪糕类甜品(例如雪糕蛋糕等),一角系即制甜品(包括雪糕意粉,雪糕三文治,窝夫,梳乎里),仲有朱古力喷泉(包括牛奶朱古力同白朱古力),而咸点就系龙虾汤同埋焗三文鱼火腿卷。由于甜品种类真系多不胜数,虽然我除左迷你杯同中式甜品,几乎所有都试匀,仲会encore,但系真系写唔晒咁多,虽有推介几款favourite啦!由于主题系雪糕,所以一定要写,当日有五款,芒果乳酪雪糕系最普通一款,但系好好味,因为充满芒果香,系令人觉得好新鲜果种;桂花杞子雪糕虽然系第一次见亦系第一次食,但系我一食就好钟意,翻食左四五次,因为佢好清,好香,仲有粒粒杞子;火麻仁雪糕味浓,有好多实实一粒粒既火麻仁,好似食饼咁,我无咁喜欢;蜜桃香槟雪葩够特色,好香,甜甜地,估唔到真系食到少少酒味,系我第二至爱;椰子雪葩有香,但我唔喜欢呢
未够八点已经可以入座,但系自助餐到八点先正式开始。攞野食之前先逛一逛,发觉真系好多好多选择,一角系的骰迷你杯类,一角系芝士,一角系生果,一角系蛋糕,一角系中式甜品,一角系法式杏仁蛋白饼同朱古力,一角系雪糕同雪葩,一角系雪糕类甜品(例如雪糕蛋糕等),一角系即制甜品(包括雪糕意粉,雪糕三文治,窝夫,梳乎里),仲有朱古力喷泉(包括牛奶朱古力同白朱古力),而咸点就系龙虾汤同埋焗三文鱼火腿卷。
由于甜品种类真系多不胜数,虽然我除左迷你杯同中式甜品,几乎所有都试匀,仲会encore,但系真系写唔晒咁多,虽有推介几款favourite啦!
由于主题系雪糕,所以一定要写,当日有五款,芒果乳酪雪糕系最普通一款,但系好好味,因为充满芒果香,系令人觉得好新鲜果种;桂花杞子雪糕虽然系第一次见亦系第一次食,但系我一食就好钟意,翻食左四五次,因为佢好清,好香,仲有粒粒杞子;火麻仁雪糕味浓,有好多实实一粒粒既火麻仁,好似食饼咁,我无咁喜欢;蜜桃香槟雪葩够特色,好香,甜甜地,估唔到真系食到少少酒味,系我第二至爱;椰子雪葩有香,但我唔喜欢呢阵味。另外有一款唔系自己毕而系一个个既柠檬雪葩,类似坊间都有果d,无乜特别。
雪糕甜品方面,最好味系榛子瑞士卷雪糕蛋糕,基本上似蛋糕多过雪糕,其实系朱古力瑞士卷,不过忌廉改左系雪糕(粉红色,食唔出乜味,但肯定唔系士多啤朵,可能系红莓果类),外围舖满晒榛子,又香又美味又增加口感,所以呢个我encore,不过原来encore左会好漏;杏仨酒雪糕球唔系一球球,又系似蛋糕,无酒香,少杏仁味,质感似忌廉,唔似雪糕,好怪,净系面头朱古力酱好味d;朱古力配呍呢拿雪糕蛋糕都唔错,系雪糕比例较多既一款,不过味道就普通左d;葡萄干开心果班㦸雪糕好特别,上层系开心果雪糕,下层系葡萄干雪糕,然后有层班㦸包住,上层好重开心果味,反而下层无乜葡萄味,但真系有一粒粒葡萄干食,呢个都食左几次。其实我觉得咁多款雪糕甜品中,大部分既雪糕比例太少,好多时似食蛋糕多过糕,呢点唔系太好。
雪糕意粉都值得试下,厨师即时将雪糕放入一部机,压一压,就出左一条条意粉状既雪糕,滑滑咁,不过要快d食,因为好快溶。
至于其他推介,我觉得必食红豆绿茶蛋糕,因为好少食到咁浓绿茶味而又咁松软既蛋糕,红豆忌廉内仲有粒粒红豆,劲好味!铁观音茶奶油朱古力红莓蛋糕系特别,但好漏好漏,而且无茶味,朱古力味盖过晒,试少少好喇;杏仁芒果蛋糕好浓芒果味,有芒果肉,芒果迷必试;香焗蓝莓批系令我失望既,虽然好多蓝莓,但有少少药味,同埋个批唔香脆。
朱古力球可试,好似truffle咁,外层系朱古力加朱古力粉,内层系软心朱古力。
其他比较普通系梳乎里(我试左红莓梳乎里,但无红莓味,只系得个甜字),草莓千层蛋糕,日式柠檬批,法式杏仁蛋白饼等等。
令我我估唔到既系,一d经甜品,如tiramisu同埋拿破仑,竟然无㖞!
另外,环境同服务都抵赞!环境优雅,座位舒适,仲有live band;收碟斟水快,有问必答,仲充满笑容,果然系五星级酒店!
张贴
