Oddies (已結業)

接左肥柑太放工，佢话有少少肚饿，于是带佢揾野食，睇到呢间野人头涌涌，于是转身射个三分波行去排队啦。个餐牌简约得黎好吸引，我估人人都会畀最大左既鸡蛋仔雪糕杯吸引左，但我地返其道而行，各有各叫一款野食，我就叫雪糕，柑太就叫左鸡蛋仔。系等紧既时间，细心睇下个餐牌，发觉字太细，而雪糕杯既材料又太多，未睇晒就已经叫到我啰野我既66%黑朱古力雪糕($22)，60%左右既黑朱古力我平时都有食，食落去甜度偏低，有少少涩涩地苦既朱古力味道系味蕾稍为停留，但又唔系苦到令人皱眉既苦，而系苦中带甘，犹如醇酒一种沉典过浓郁既味道。而雪糕本身既黏性好高，入口后仲有时间可以感受到雪糕系口入面溶化既感觉，绝对系一试难忘。柑太既泡菜年糕鸡蛋仔($22)，第一啖食落有少少辣泡菜感觉，再食多几啖就食到入面真系混入左年糕同泡菜，成个鸡蛋仔食落松松化化，脆口感大减，但换黎一种似食紧一个热辣辣既年糕饼感觉。