Okashi Galleria x Calbee Plus (已結業)

黎得呢到当然要食即制卡乐B 薯片。我前前后后都食过几次，试过薯条，其他唔同味既薯片，最后都系返璞归真，原味最好食。佢薯片个特点系厚切，比袋装既卡乐B厚身，而且即制有个好处系冇咁油，薯片放耐左会标油，有大朕油膱味。而佢炸完出黎个薯片仲系好干身，波浪型个表面冇油份。然而斋薯片好寡，个雪糕先系点题既部分。用薯片做匙去笔雪糕食，又咸又脆既薯片令雪糕个甜味更突出，而且系云呢拿味先咁配合到，换左朱古力或者其他浓味既雪糕都做唔到呢个配搭。