Gelare (已結業)

今日心情唔多好，好想食雪糕，所以约咗个朋友倾计+食雪糕。朋友系新蒲岗返工，佢话呢间Gelare有雪糕食的。而且环境唔错。所以我由观塘就去咗新蒲岗接朋友放工一齐就去咗 Gelare喇。入到餐厅原来除咗有雪糕之外，仲有All day breakast/长通粉/扁意粉/牛扒。加$１８还有一球雪糕。价钱真的唔贵。我最后选择咗蟹肉带子扁意粉有三粒带子，蟹肉都有好多加上蘑菇及芝士。整个意粉好味道，带子虽然唔系好大粒，但厚肉及鲜味。朋友选择咗黑松露大蘑菇意大利饭。好多时食意大利饭都会好漏。但系Gelare 食到嘅意大利饭味道香浓但唔漏。大蘑菇又香。食完主餐叫咗杯芒果浓情沙冰。好香芒果味又唔太甜。食完饮完就坐系餐厅倾计。环境舒服又静。真系一个好嘅选择。倾到差不多时间当然要order我最想食嘅雪糕啦！我叫咗三球杯装雪糕。《布朗尼朱古力/草莓/夏威夷果仁》食完雪糕又同朋友倾咗２个钟。心情完全回复正常。所以话心情唔靓食雪糕系可以医到架。