Häagen-Dazs

营业中

休息中

有張$100既哈根大師 coupon, 但兩球其實又好似唔太抵食，掃完街諗住食個甜野，本身打算叫兩杯沙冰，但同行者已經食唔落，咁唯有就叫一個可以試好多口味既，就係 Mini Happy Forever $109可以自選八個口味，感覺抵啲來自葵廣公仔機既柴狗仔就自然入鏡店員好有禮貌，亦好有耐性。我揀左提子冧酒，抹茶，曲奇，野莓，朱古力之類。中間仲有窩夫片同埋啲水果，成件事又感覺 high class 左 🤣🤣而且口感同埋味道都有加分。我個人都係最鍾意食曲奇味，好香既忌廉同埋曲奇碎好夾。抹茶味唔算好甜，亦唔太甘。野莓酸酸甜甜咁，莓味都重。提子冧酒都出色，互相平衡。