Eat With Me (已搬遷) 新店位置

同朋友行完街，经过Eat With Me，记得好似有特别版既鸡蛋仔，反正行到攰，于是就入去食下。小店入面地方好细，无坐位，只有企位，企位最多应该可以8个人同时进食。一睇Menu, Eat with me除左甜食，原来仲有咸食！例如咖哩味鸡蛋仔同热狗鸡蛋仔，好似几特别，不过今次食左甜味先。Banana with me ($48) 有切粒香蕉、dreyer's icecream、fresh whipped cream、同埋比利士朱古力酱。鸡蛋仔已经好贴心地切好一粒粒👍👍，进食起黎相当方便。不过可惜我觉得鸡蛋仔蛋味唔够香，粉味就重咗啲，始终鸡蛋仔系主角，就算多左d配料，都唔可以忽视鸡蛋仔本身个味道。香蕉配朱古力🍌🍫呢个组合其实系无得输，如果香蕉系焦糖香蕉一定更加好食！雪糕🍦系用dreyer's， 味道无需要多讲。整体黎讲系可以一试，但未必会再食。