澳門咖喱王新鮮腩

营业中

休息中

夜晚同朋友喺佐敦揾嘢食，见到呢间澳门咖喱王新鲜腩睇落好似唔错，就入咗去食。我哋叫咗几个店员推介嘅招牌菜。首先系川酱干炒牛河，因为怕太辣，所以我地嗌咗BB辣。河粉嘅份量都几多，辣酱香口得黎唔会太辣，牛肉都好林好好食。另外嗌咗清汤牛腩饭，啲牛腩超级林，有种入口即溶嘅感觉，但系牛腩嘅份量唔算好多，食咗几旧就发现原来下面全部都系萝卜。成餐饭最好食嘅就系招牌清汤雪花牛颈脊河粉。汤底好清甜，河粉又够薄，啲牛颈脊非常嫩滑，有好香牛肉味。虽然价钱有少少贵，但系个人认为物超所值。另外店员仲推介我哋饮佢地嘅番茄汤，上枱嘅时候觉得冇乜特别，但系饮落有好香嘅蕃茄味，而且价钱唔算太贵，如果钟意蕃茄嘅话建议可以试下。