雲南啊老表黑山羊湯鍋米綫 (上海街)

营业中

休息中

行过佐敦，见到呢间"云南啊老表黑山羊汤锅米线"，就突然好想食羊肉，见到呢间除左羊都几多其他野食，一于试下。我哋两人就叫牛羊双拼酸辣米线(大碗)同水饺(韮菜拼白菜)同其他一啲小吃，有凉拌豆角，口水鸡，麻辣猪耳朵，麻辣鸡翼。枱面亦提供咗好多酱料可自行调配，值得一提佢嘅菜甫，爽口唔系度度都有得食，我钟意食就食多啲！大碗既米线真系好大碗，同朋友share 食，试多啲唔同野食。米线入边有唔少羊肉同牛腩，羊肉香口，牛肉就肥瘦适中，酸菜汤底都好正！食羊既朋友要黎试下呢碗羊牛米线。水饺可以拣双拼，有白菜同韮菜水饺。真材实料，又大大粒，本身有醋点，唔点已经好好味，摆落米线一齐食仲好味。凉拌豆角爽口少辣。口水鸡同猪耳朵水准！麻辣鸡翼腌得够哂入味。好满足呀，捧住个肚走。