阿詩瑪壹菌 (已結業)

今日同呀妈系太古城行完街，准备食晚饭，就问下住太古既朋友有无咩推介。因为妈中意食中菜，所以就推介左黎呢度食云南菜。唔讲真系唔知呢度有间云南菜，因为正门系太古城外围，所以难揾啲，不过系走时职员教我地一条折径，只要穿过厕所果边就好快行到去太古城入面餐厅都算大，红当当既装修好有中国feel仲有两三间私人房。见到啲bb椅，好得意，系香港其他地方唔会见到。餐牌上好多菜，花多眼乱，免得麻烦，所以拣左二人餐首先，有个气锅鸡佢系利用蒸气，透中间果个隆出气而整熟啲鸡同汤。汤清甜浓郁，好香，感觉好补两个人，每人有一碗多。酱汁茄子酱汁甜甜地，似烧汁，茄子好林。小辣，木耳爽口，有啲蒜粒，更香。个人好喜欢牛肝菌，因为个味好香。呢碟有西椒、辣椒、蒜片同牛肝菌等。虽然望落去好似好多辣椒甘，但唔辣，西椒爽口。牛肝菌林林的，好入味，成碟好有镬气！糖醋里脊有猪肉、西椒、蜜桃。第一次听里脊呢个部位，好林，好似梅头肉甘。肉外边炸脆，内林，个汁酸酸甜甜甘，几开胃！上汤时蔬生菜，好爽口，个汤清甜，有蒜香味。玫瑰冰粉呢个甜品望落去好似去high tea饮玫瑰花茶甘，个杯好靓。个底系有啲好似啫哩质感既野，面头有干玫瑰花。好香桂花味，