萬興茶餐廳

营业中

休息中

周六约咗契妹交收礼物，为方便佢下午去医院，所以就拣咗喺佢屋企附近间「万兴茶餐厅」度食晏。中午时份小小嘅茶餐厅已坐满食客，幸好二人搭到张卡位。XO仔应旁边嘅街坊熟客推荐，点咗个全日都有得食嘅「菜肉云吞」。菜肉云吞（$44；冻饮加$3）：菜肉云吞呈奶白色嘅汤底味清唔油，入面加咗两条鲜绿清脆嘅唐生菜，感觉都好健康。云吞皮层巧薄幼滑，菜肉馅心清香软嫩。跑马地出名租贵，「万兴茶餐厅」能多年撑住应该有佢嘅理由，细佬第一次帮衬，喺小店速战午餐，只系食咗个简单嘅菜肉云吞，茶记黎讲算唔错。