影片
更多
2022-09-12
1183 浏览
两口子睇完TVB介绍香港旧式云吞面，决定走访各区，跟电视介绍去食晒咁多间。第一间就拣咗英记。今日假期，去到要排队，不过就唔系等好耐。正正常常一间粉面店啰！老板娘同电视一样，真系好鬼亲切㗎，仲会成日问你：「啲嘢好唔好食啊？」又教啲客用酸萝卜夹住啲猪油捞面嚟食⋯⋯我叫咗一个云吞牛筋面，老婆就叫咗一个墨鱼丸云吞面，同一碟韮菜。老板娘推介我哋食猪手，我怕食唔晒，佢就话叫个细嘅试吓啦！咁反正嚟试食，冇所谓啦。第一碟嚟就系猪手，顶呀！乜细猪手都咁大碟㗎，唔够胆话系美食，不过就好啱我口味，唔系「林治治」嘅，OK好味😋韭菜隔水隔得好干净，抵讃！仲有少少猪油味，睇得出啲韭菜系拣过㗎，唔会好老好多渣😋。两碗面都正正常常，牛筋好味！云吞好味！面都好味！不过个汤就失望，试唔到大地鱼味，同出边𠮶啲普通粉面档差不多。不过我哋特登嚟试就系因为个汤，真系扣咗好多分🥺🥺最后猪手食唔晒，坐我对面个女人话帮我哋打包，原来系老板娘个表妹，仲俾多咗兜汁我地添！坐低听到好多人嗌水饺，所以最后我都嗌咗一打水饺外卖，不过放咗入雪柜未食
第一间就拣咗英记。今日假期，去到要排队，不过就唔系等好耐。正正常常一间粉面店啰！老板娘同电视一样，真系好鬼亲切㗎，仲会成日问你：「啲嘢好唔好食啊？」又教啲客用酸萝卜夹住啲猪油捞面嚟食⋯⋯
我叫咗一个云吞牛筋面，老婆就叫咗一个墨鱼丸云吞面，同一碟韮菜。老板娘推介我哋食猪手，我怕食唔晒，佢就话叫个细嘅试吓啦！咁反正嚟试食，冇所谓啦。
第一碟嚟就系猪手，顶呀！乜细猪手都咁大碟㗎，唔够胆话系美食，不过就好啱我口味，唔系「林治治」嘅，OK好味😋
韭菜隔水隔得好干净，抵讃！仲有少少猪油味，睇得出啲韭菜系拣过㗎，唔会好老好多渣😋。
两碗面都正正常常，牛筋好味！云吞好味！面都好味！不过个汤就失望，试唔到大地鱼味，同出边𠮶啲普通粉面档差不多。不过我哋特登嚟试就系因为个汤，真系扣咗好多分🥺🥺
最后猪手食唔晒，坐我对面个女人话帮我哋打包，原来系老板娘个表妹，仲俾多咗兜汁我地添！坐低听到好多人嗌水饺，所以最后我都嗌咗一打水饺外卖，不过放咗入雪柜未食
韭菜
12 浏览
0 赞好
0 留言
云吞
16 浏览
0 赞好
0 留言
张贴
