正斗粥麵專家 (新城市廣場一期)

营业中

休息中

终于知道点解呢间粥面店未到十二点已经爆满，因为真系几好食。要坐到最入嘅位置，都好嘅，无咁多人环境静啲。唔晒谂即刻叫咗碗云吞面，虾同肉嘅比例啱啱好，一啖一粒，皮够薄，唔错！面无枧水味，汤用最传统嘅做法——大地鱼汤，好鲜甜。加埋一的话70几蚊，其实又唔算贵，好食咪得啰，食碗拉面都唔止呢个价啦。朋友就叫牛肉捞面，好搞笑，佢话因为贪佢唔热，天气热唔想食汤面。牛有口感有牛味，我无食到，唔知个汤系咪一样呢？最后叫多个菜苗饺，一笼四粒，我口细分两啖食，都足料。最意想不到系杯豆浆，豆味浓一啲都唔甜，睇嚟下次要试埋正斗啲糖水。