博富麵館

营业中

休息中

南昌荟系新落起嘅商场，多咗一个街市同埋好多商店，所以特登嚟试吓街市里面嘅餐厅。主要见到两间面馆比较多人食，又要想试吓鲜虾云吞，所以就拣咗呢间博富面馆。叫咗一碗鲜虾云吞幼面，同一杯冻华田。等左大约5分钟就上菜。鲜虾云吞有五粒，每粒都正常大细，里面有鲜虾同一啲肉碎，调味不错，皮薄。面方面就正正常常，冇煮得过熟。整体嚟讲汤底比较普通，比起普通肉汤仲要淡，所以食落冇乜味道。另外有杯冻华田，已经叫咗少冰但系非常淡。埋单41蚊，呢个价钱可以有更好嘅选择。