呦呦鹿鳴布丁燒

营业中

休息中

葵涌广场有好多小食店，其中呢间布丁烧小店好出名。我好耐之前已bookmark咗，最近终于有机会买嚟试下。布丁烧有好多口味选择，第一次食所以拣咗一个原味（云呢拿）。我好钟意食茶味嘅甜品，所以就拣咗一个伯爵茶味同一个焙茶味。布丁烧表面有有鹿图案，而且杯杯都唔同，好可爱。芝士蛋糕表面比较深色，食得出淡淡芝士味，就咁食蛋糕的话会觉得有少少干，湿润少少会更好。如果有食过另一间布丁烧名店，有比较之下就觉得个芝士蛋糕体有进步空间。布丁细滑有蛋味而且唔会太甜。伯爵茶布丁嘅佛手柑香味突出同蛋味好平衡。焙茶布丁茶味浓郁，如果下次再帮衬都会拣焙茶味。原味布丁即系云呢拿味，见到布丁表面有云呢拿籽，应该系真材实料而唔系用云呢拿香精，比起其余两款茶味，原味令焦糖味同鸡蛋味更加突出，同芝士蛋糕都最夹，所以个人认为原味（云呢拿）最好味。之后睇其他人分享先知道原来有一款椰爷布丁烧，布丁有椰子肉，听落好特别，下次去开葵芳再买嚟试下。