香河越南餐廳 (已結業)

平时喺香港食越南汤河，全部都有落味精，每次食完都会觉得个口好干同埋好口渴，但系依间食完之后就会知佢系冇落味精。系附近番工所以每个星期都会黎一次，食过香茅猪扒汤河、沙嗲汤河、生牛肉汤河之后，个人最推介都系鸡丝汤河，个汤清甜够味，调味好平衡好peace，加埋辣椒同青柠又有另一番风味，每次都忍唔住饮晒咁济。老细叔叔收银、侍应、执枱全部一脚踢，佢系自来熟性格，如果招呼唔嚟未得闲落单住佢会叫你等等转头帮你。如果帮衬多几次，佢会记埋你食咩，气氛好似去左朋友屋企食饭咁。餐厅好阔落好好坐，倾计唔会赶你走仲会帮你续茶。