樂湯雞麵館 (登龍街) (已結業)

今晚去左登龙街揾食，喉咙麻麻地，第一时间谂起呢间又冇味精又好食嘅健康美食，呢间乐汤鸡。佢出名花胶鸡汤翅的，我点了砂锅花胶鸡汤翅配米线，而朋友嗌了砂锅桃胶雪燕椰子鸡配米线，再点了两小食，凉拌海哲手撕鸡同口水尖椒皮蛋，加豆浆同可乐。吾洗一阵就准备好了，正啊，两碗米线都原个砂锅咁上，d汤滚住的，热辣辣，厉害，店员仲会小心提吾好掂亲很热，砂锅花胶鸡汤翅配米线，汤很清甜冇味精，一食就知，好食，又比足料，花胶大大旧都有好几旧，仲有鱼翅，都很多，鸡很嫩滑，黄皮的鸡很有鸡味，米线又热又滑好食。而砂锅桃胶雪燕椰子鸡，都同样厉害，大大砂锅同样滚住上，椰子味很香，汤底清甜，大碗食落好够饱。小食海哲手撕鸡好食，爽口有埋青瓜同萝卜丝更口感，而皮蛋都几辣下，朋友都大赞很惹味，加落米线食好味。整体都好满意，食完喉咙都好舒服，冇味道健康之选。