閨•家 (西九龍中心) (已結業)

鲜少见到西九龙中心嘅食肆会大排长龙，见到呢一个场面非常震撼！睇返餐牌，价钱绝对合理！而且标榜零味精！我立刻去排埋一份😼Menu绝对多元化有炒粉面饭同埋客饭，最主打嘅当然系佢令味精嘅汤品！基本上嗌饭餐都会送一个细嘅汤，唔需要额外点。每一日都会有唔同嘅汤品，今日系星期六，就系以下呢一款，啱晒秋冬天气👍🏻汤品非常香浓，睇颜色已经知道！另外，果然系无味精，童叟无欺！梅子金沙骨饭～酸酸甜甜嘅汁料，令人胃口顿时大开，加上排骨已经系炆到非常淋，做得到骨肉分离，而且够晒入味！鳗鱼炒饭～炒饭嘅饭粒粒分明，鳗鱼汁包裹著每一粒饭粒，鳗鱼嘅份量亦都唔少，伴随着粟米粒同菜，感觉更为健康。香煎莲藕饼饭～手剁肉饼果然系最好食，口感绝对非同小可，加上肉饼两边煎到金黄香脆，简直极品！