仙踪林 (已結業)

去始创赶时间，拣呢度食lunch贪唔驶等位。座位逼，装修似从未翻新过，第一印象麻麻。四十八蚊午餐有主食有饮品，主食份量偏少。先入为主下谂住唔慌好食，无期望下反而有少少惊喜!牛肉面汤味道竟然出奇地有少少对办，有辣味有牛肉汁味，可惜不够香浓，餐牌话两只辣椒完全食唔出。牛肉味道尚可但略嫌不够淋。面质有少少台湾人所谓的Q了，可惜不像正宗台湾面条。照烧鸡扒饭，鸡扒竟有微烧味，可惜汁多过皮，皮又多过肉，个汁又甜得滞，怪味!珍珠奶茶，正常水准。呢度似乎略懂何谓台式风味，可惜迁就大众化价钱有将货就价之嫌，既选择如此定位就难以期望水准有所提高了。