LAB10 (裝修中)

朗豪坊10楼新开张的 Lab 10主打Fusion韩国菜嘅餐厅，店内采用日本最新型嘅自动抽风烧烤炉，油烟基本上唔会走得出个炉，所以可以算系全香港第一间冇油烟味嘅韩烧店。我同老友今日约埋收工一齐去食，我地未到19:00已到餐厅，当时客人仲未多，不过19:30左右就好多人，餐厅装修以实验室做主题，四周摆放左好多实验室物品嘅摆设，配合高楼底，整体环境既时尚又舒适。😙特级薄切和牛肉眼 $128和牛肉眼整块都布满雪白油花，超大块，店员替我地平舖上会自行抽风嘅烧烤炉时，和牛差唔多舖满整个烤炉，和牛烤香后沾上蛋汁泡菜，每一啖都充满浓浓嘅和牛油香，非常惹味。😋秘制护心肉 $98我地去韩烧店基本上一定会点护心肉，因为每间韩烧店都有自己调制护心肉嘅方法，间间都有自己独特嘅口味，今晚食到呢款护心肉肉质富有弹性，而且腌得好入味，外层烤到微焦特别美味。👍生韩牛伴雪梨牛油果 $108韩牛刺身平身已经好好食，混入蛋浆、牛油果、洋葱丝同梨汁之后，韩牛刺身嘅鲜味更加突出，当中同牛油果呢个配搭相当新鲜，而且出奇地夹。😍鳗鱼铁锅炒饭 $128除左炒饭上面嘅鳗鱼之外，炒饭本身已经加入左鳗鱼粒去炒，炒饭充满鳗鱼汁嘅香味，份量都