影片
更多
2024-02-27
608 浏览
Seasons 系一间融合咗意大利、西式、墨西哥、土耳其、印度同尼泊尔美食于一身嘅多国菜餐厅。一嚟先奉上脆脆papadum，充满胡椒嘅咸香味再加薄荷酱好食开胃~今餐嚟都最期待都系食 momo ，自从系 Momo moment 食过之后就成日都心思思想再食，难得有令一间良心小店有卖，咁点都要试吓啦！今次无晒猪肉，所以我哋就要咗鸡肉馅，一客十只🥟 皮薄多馅，无 Momo moment 咁多汁但都好有香料味，重点系一定要加埋个微辣嘅蕃茄酱汁就更加好食~另外要大赞嘅系佢哋个garlic naan真系劲香蒜茸味，而且一啲都唔油腻！斋食已经好好食，配咖哩亦好出色。我哋要咗 Chicken Masala🥘加入咗蕃茄嘅咖哩唔会太辣，辛香而唔刺激。比起butter chicken 会无咁奶相对就轻盈少少~Sekuwa 烤肉我哋拣咗猪肉，闻到超出色嘅焦香味同香料调味，食落有肉汁唔干柴惹味啖啖肉，系浓浓嘅异国风味~食咗咁多浓味嘢，健康宝宝仲加咗个沙律，一嚟就真系比个 size 吓亲🫨估唔到个沙律真系如图所示咁嘅样，个plating 都砌得好有 heart！！个泰式沙律包括有生菜，青瓜，薄荷叶，紫洋葱，蕃茄同
今餐嚟都最期待都系食 momo ，自从系 Momo moment 食过之后就成日都心思思想再食，难得有令一间良心小店有卖，咁点都要试吓啦！今次无晒猪肉，所以我哋就要咗鸡肉馅，一客十只🥟 皮薄多馅，无 Momo moment 咁多汁但都好有香料味，重点系一定要加埋个微辣嘅蕃茄酱汁就更加好食~
另外要大赞嘅系佢哋个garlic naan真系劲香蒜茸味，而且一啲都唔油腻！斋食已经好好食，配咖哩亦好出色。我哋要咗 Chicken Masala🥘加入咗蕃茄嘅咖哩唔会太辣，辛香而唔刺激。比起butter chicken 会无咁奶相对就轻盈少少~
Sekuwa 烤肉我哋拣咗猪肉，闻到超出色嘅焦香味同香料调味，食落有肉汁唔干柴惹味啖啖肉，系浓浓嘅异国风味~
食咗咁多浓味嘢，健康宝宝仲加咗个沙律，一嚟就真系比个 size 吓亲🫨估唔到个沙律真系如图所示咁嘅样，个plating 都砌得好有 heart！！个泰式沙律包括有生菜，青瓜，薄荷叶，紫洋葱，蕃茄同彩椒，各种爽口嘅蔬菜再加埋泰式酸辣沙律沙律汁好清新~
温提：呢度啲食物份量都好足，我哋都因为饱到叫唔到 pizza 嚟食~记得都要量力而为唔好贪心叫太多。
张贴
