影片
更多
2018-11-18
2443 浏览
「农场鲜奶有限公司」听闻过唔少啦，不过，位置吊脚，唔会无情白事走嚟，最近，晌网上揾啲好行嘅行山路线啱我老婆行，就揾到条零难度嘅路线，由石岗嘅「雷公田村」行到去「清潭水塘」，易行、路程唔长、多树荫、有啲景，正正又路过「农场鲜奶有限公司」，点都要嚟饮吓佢哋嘅鲜奶啦！门口无任何招牌，因而不少人过门不入走晒鸡，而门口巨型嘅「黑白乳牛大石」就喺其标记。走入去，石屋、小型农圈，可以参观嘅地方就一眼睇晒。场内有一扎扎嘅草供游人买嚟喂羊，当日所见，唔少家长会带啲细路嚟喂吓羊，就算你无草晌身，行埋个围栏度啲羊都惯性走过嚟，所以，帮佢哋影张大特写喺无难度。用餐地方放咗好多胶枱胶椅，呢度零服务，自己照顾自己，但最得意喺墙身油埋黑白乳牛花纹，好衬周围环境呀！虽然一早以饮鲜奶为目标，但都介绍吓仲有咩食，亦顺便更新吓个价钱俾大家知。主打嘅喺以下呢堆，百份百纯鲜奶、姜汁撞奶、炖奶……等等此外，饱肚嘅热食有餐蛋一丁、五香肉丁一丁、鱼肉烧卖、茶叶蛋……等等。温馨提示，呢度只开星期六、日及公众假期，仲有，人哋只喺做盘小生意，不设开水、不设额外餐具、谢绝外带食物、谢绝滥泊，大家就要尊重吓。百分百纯鲜奶半公升（全脂）$16因
门口无任何招牌，因而不少人过门不入走晒鸡，而门口巨型嘅「黑白乳牛大石」就喺其标记。走入去，石屋、小型农圈，可以参观嘅地方就一眼睇晒。
场内有一扎扎嘅草供游人买嚟喂羊，当日所见，唔少家长会带啲细路嚟喂吓羊，就算你无草晌身，行埋个围栏度啲羊都惯性走过嚟，所以，帮佢哋影张大特写喺无难度。
用餐地方放咗好多胶枱胶椅，呢度零服务，自己照顾自己，但最得意喺墙身油埋黑白乳牛花纹，好衬周围环境呀！
虽然一早以饮鲜奶为目标，但都介绍吓仲有咩食，亦顺便更新吓个价钱俾大家知。主打嘅喺以下呢堆，百份百纯鲜奶、姜汁撞奶、炖奶……等等
此外，饱肚嘅热食有餐蛋一丁、五香肉丁一丁、鱼肉烧卖、茶叶蛋……等等。
温馨提示，呢度只开星期六、日及公众假期，仲有，人哋只喺做盘小生意，不设开水、不设额外餐具、谢绝外带食物、谢绝滥泊，大家就要尊重吓。
百分百纯鲜奶半公升（全脂）$16因为我哋食完早餐先嚟行，所以，就唔帮衬佢啲面食喇，但纯鲜奶就肯定要试。红白纸盒包装，绝对喺80、90年代鲜奶嘅标记，半公升嘅只有全脂，小弟就乜脂都无问题，由于喺鲜制，无防腐，无添加，所以，食用期得3几日。饮第一口，先喺冰凉，继而牛奶嘅纯鲜味一涌而出，坚喺好新鲜嘅感觉，口感丝滑，点听我噏都无用，饮过你就知。
百分百纯鲜奶半公升（全脂）
$16
65 浏览
0 赞好
0 留言
姜汁撞奶 $21老婆就唔喺太饮得新鲜牛奶，不过，姜汁撞奶就超啱佢，尤其姜汁系食品。讲到明喺即叫即制，需等上3-5分钟，所以，初时仲喺水汪汪，之后，再摇吓佢，睇住佢凝固起嚟。啲撞奶比出面食嘅会削身少少，唔知会唔会因天凉关系有影响，但口感确喺好滑溜，瀡一声滑落喉咙，好香奶味，但又有姜汁嘅辛辣，但辣得温和、平衡，老婆大赞好食。
姜汁撞奶
$21
49 浏览
0 赞好
0 留言
顺便分享吓今次条零难道行山径，由于近乎全程都喺沿引水道行，所以，绝大部喺平路，只有少少上落斜，唯一唔好喺佢本身喺入去其他村嘅车路，间唔时有一、两架车经过。行到入清潭水塘，非常宁静，好舒服，全程斋行大概一小时。而退路一喺就回程出番雷公田，一喺就好似我哋咁，继续行，再由小路落返「锦上路」一带，有巴士、小巴去锦上路、元朗，过大埔。
趁放假，远离吓石屎森林，走过嚟轻松咁行吓，亲亲大自然，感觉好舒服。当然，如果倒转行，由大榄𠮶边过嚟，以雷公田为终点，就可以临完结前到「农场鲜奶」歇一歇就更正。
张贴
