三寶勝上海美食

营业中

休息中

上海粗炒甜咗少少湿咗少少不过味道都OK。小笼包系厚皮少少大只少少𠮶种上海style小笼包，见到有上海点心师傅所以估计系自家制唔系买雪藏货或者工场交嚟嘅课。炒鳝糊味道几好，份量都唔错，都有好多鳝，好钟意啲狗王，好香。炒年糕因为唔想食雪菜肉丝，所以喺三丝同埋三鲜之间去拣，其实我都唔系好知两种有乜嘢分别，年糕几好食，烟烟韧韧，味道几正宗。锅贴热辣辣，皮好厚，个底少少窿，煎得几唔错。甜品拣咗雷沙汤丸，呢个真系好食，冇谂过啲汤圆竟然暖嘅，入面啲芝麻馅又唔会好甜，几好。