影片
更多
2023-02-13
149 浏览
第一次喺 Openrice 写食评，冇谂过系为失望而写🫠 星期六同男友食完晚饭见到呢间甜品舖，见多人、似开咗好几年都满怀期待咁入去 Menu 糖水款式其实写得几好，多配搭、易拣、款式吸引，无论系芒果 L、凉粉 L 或者榴梿 L 都会拣到心水 尤其系当眼位写住招牌芒果捞🥭，仲要仲喺大埔有另一间卖芒果嘅舖头，令食开杨枝甘露嘅我都转咗軚，两个人分别嗌咗「芒果西米捞」$37 ，同「芒果迷你小丸子捞」$41 上到枱饮咗啖就知中伏🥲虽然有芒果蓉嘅色泽，但系饮落去只有非常淡嘅芒果味同超甜糖水味，就好似芒果干沟水开稀然后机打出嚟咁 如果合埋眼饮，会连剩余嘅芒果味都食唔出，所以所谓嘅芒果味可能都系受视觉影响嘅幻觉😵 有相为证👇🏻 真系好稀…… 不过有碗话碗，西米同小丸子🍡都煮得几好，口感烟韧、粒粒分明，如果钟意食呢两样甜品但唔介意芒果味淡，兼钟意重甜味嘅朋友仔不妨可以试吓🫡
冇谂过系为失望而写🫠
星期六同男友食完晚饭见到呢间甜品舖，
见多人、似开咗好几年都满怀期待咁入去
Menu 糖水款式其实写得几好，
多配搭、易拣、款式吸引，
无论系芒果 L、凉粉 L 或者榴梿 L 都会拣到心水
尤其系当眼位写住招牌芒果捞🥭，
仲要仲喺大埔有另一间卖芒果嘅舖头，
令食开杨枝甘露嘅我都转咗軚，
两个人分别嗌咗「芒果西米捞」$37 ，
同「芒果迷你小丸子捞」$41
上到枱饮咗啖就知中伏🥲
虽然有芒果蓉嘅色泽，
但系饮落去只有非常淡嘅芒果味同超甜糖水味，
就好似芒果干沟水开稀然后机打出嚟咁
如果合埋眼饮，
会连剩余嘅芒果味都食唔出，
所以所谓嘅芒果味可能都系受视觉影响嘅幻觉😵
有相为证👇🏻 真系好稀……
不过有碗话碗，
西米同小丸子🍡都煮得几好，
口感烟韧、粒粒分明，
如果钟意食呢两样甜品但唔介意芒果味淡，
兼钟意重甜味嘅朋友仔不妨可以试吓🫡
芒果迷你小丸子捞
$41
8 浏览
0 赞好
0 留言
张贴
