波士冰室 (已結業)

成日都讲，贵唔一定好食，平唔一定难食。今次又一例证。早餐，十居其九王牌沙嗲牛面组合。呢间波士冰室组合为：沙嗲牛肉公仔面 拼 樱花虾沙滑蛋、牛油厚多士。入得呢间就梗系波士上身，先唔讲餐牌 拼 同 并，咁都有两个字，一睇都 R晒头。敌不过肚饿唯有order先。先黎 樱花虾炒滑蛋、牛油厚多士，大家先想像下樱花虾有几大粒？你地睇相再望块多士，厚多士？再睇下，牛油呢？块包系多士不过雪白如无，乜都无，叫侍应俾牛油，原来是原碟返厨房补牛油...回返碟野返黎，先定一定神，睇清楚仲有无加料，你知啦，原碟回厨房都大风险。再睇睇份沙滑蛋，我以为食紧老麦早晨全餐果份蛋。一路不费力开口咬著块厚多士，望著炒蛋，不禁几句粗口。不过，当一啖食得晒既炒蛋摆入口，佢又带俾你虾米蒸水蛋既味道。沙嗲牛肉面上枱喇，一睇个面the 晒皮无黎精神训系度，你就知，个面先煮定摆碟等左好耐，临出前再补汤。一入口，果然无错，软𣺉无味。但撞上劲咸无比既沙嗲牛肉，直迫味雷极限。有味无味梅花间竹冲击你。再来杯饮茶，无奶味无茶味。呢份早餐呢份价钱，作为波士，呢个系失败作，枉你餐牌食物改名改到天花龙凤水蛇春咁长，都系不外如是，粗制滥造。