御前洋菓子 (已結業)

见到御前洋菓子推出左一系既绿茶甜品，真系好吸引。大约六点去到，唔驶等位，不过抹茶芝士挞就要去隔离排队买，大约排左5分钟。同朋友总共叫左4款甜品。满抹茶炖蛋白 ($48) 满嘅绿茶粉洒满喺炖蛋白上面，见到都觉得兴奋，炖蛋白做得几香滑，甜甜的带奶香，可惜呢个甜品嘅重点绿茶味一啲都唔浓郁，唔系好食到绿茶味，有啲失望。抹茶鲜牛油菠萝包配日本茶 ($45)菠萝包单买 (只限外卖) ($26)抹茶菠萝包外表系几吸引，可惜味道仍需改善🙄。呢个菠萝包冇咗一般𠮶种甜味，所以其实得个样似菠萝包，味道同菠萝包好似无咩关系。重点系中间嘅抹茶牛油又无茶味，仲要好涩，到底点解会咁?让特浓抹茶半熟芝士挞 ($25)我彻底失望嘅抹茶芝士挞, 芝士挞做到流心效果，但系茶味同芝士味都唔系好食到，净系食到苦涩、咸味、同酸味, 同想像真系有差别⋯⋯抹茶法式焦糖炖蛋 ($48)呢个焦糖炖蛋算系做得比较好既一款甜品，炖蛋几幼滑，带淡淡既绿茶味同蛋香，面头既焦糖烧得香脆，如果可以加强绿茶味会更加好。整体黎讲觉得失望，希望小店可以改善食物质素。