影片
更多
2024-11-12
0 浏览
又系过江龙店🐉。响日本某平台嘅评分有成 3.89，分数上系绝对系亮眼。其实我之前都有食过，不过成年前，唔太有印象，而且当时未开始写食评，粗略印象当时系觉得麻麻地，但基于集邮心态，一于去多次，试下当时未试过嘅另一款拉面。《粟国盐味拉面🍜》粟国本身我未听过，search完先知系位于冲绳嘅一个岛，我谂佢系想强调盐嘅出产地。香味 (3/5) - 盐本身系闻唔到的，大家都知道。如果食盐拉面，香味方面我会重视有冇一种显著嘅基底同轴心，咁，佢嘅底味系来自鲣鱼汤，都算好闻，其次有少少芝麻嘅香味。汤 (3/5) - 未讲个汤好唔好味之前，我想先讲，据一本讲拉面历史嘅书所记载，多贺野呢间店系标榜佢地系冇用味精，又称为”无化调”味型。冇左味精嘅加持，旨味（うまみ umami），即鲜味，就要靠食材本身去呈现。咁无加味精对我来讲就冇话一定系好，因为就算加，加得高明，食完身体冇唔舒服嘅话其实又有乜所谓呢。讲返正题，个汤嘅味道主要系来自鲣鱼汤，我食唔出鸡骨或猪骨汤本身嘅鲜味，蔬菜味唔明显，粟国盐系咪可以单天保至尊我又认为未至于。从汤嘅色泽，味道，䶢度，同芝麻带出来嘅风味来讲，我认为都算系正常水准，唔好唔坏，但一定唔
《粟国盐味拉面🍜》
粟国盐味拉面🍜
$128
0 浏览
0 赞好
0 留言
粟国本身我未听过，search完先知系位于冲绳嘅一个岛，我谂佢系想强调盐嘅出产地。
香味 (3/5) - 盐本身系闻唔到的，大家都知道。如果食盐拉面，香味方面我会重视有冇一种显著嘅基底同轴心，咁，佢嘅底味系来自鲣鱼汤，都算好闻，其次有少少芝麻嘅香味。
汤 (3/5) - 未讲个汤好唔好味之前，我想先讲，据一本讲拉面历史嘅书所记载，多贺野呢间店系标榜佢地系冇用味精，又称为”无化调”味型。冇左味精嘅加持，旨味（うまみ umami），即鲜味，就要靠食材本身去呈现。咁无加味精对我来讲就冇话一定系好，因为就算加，加得高明，食完身体冇唔舒服嘅话其实又有乜所谓呢。
讲返正题，个汤嘅味道主要系来自鲣鱼汤，我食唔出鸡骨或猪骨汤本身嘅鲜味，蔬菜味唔明显，粟国盐系咪可以单天保至尊我又认为未至于。从汤嘅色泽，味道，䶢度，同芝麻带出来嘅风味来讲，我认为都算系正常水准，唔好唔坏，但一定唔系惊艳级数。
面条 (4/5) - 面方面系有惊喜，佢系用中细面，有加全粒小麦粉，面味充足，惊艳到我嘅系面条非常的爽口，我认为非常唔错。
配料 (2.5/5) - 猪叉烧系用猪五花，腩肉来讲佢算瘦。可惜肉质偏硬，冇足够肉味，麻麻地。
荀方面，算粗，口感算爽脆，荀味清甜，几好。
溏心蛋方面，我认为有入味，有蛋香，不过偏熟左少少，普通啦。
葱方面，佢系横切，而唔系切条，唔够有心机。
另外一提，除左碗面本身我认为麻麻地之外，有一样野我系比较唔满意，就系个灯光。成间店都偏暗，而所有位都冇刻意加盏灯去照明，令到影相偏暗，光用肉眼睇都觉得睇得唔够清楚，连d面有用全粒小麦粉我都系睇相先察觉到。单单系影相唔靓，响而家d名店 setting 来讲非常蚀底，成件事变得唔 IGable.
另外想讲讲个调味架，一般来讲，好多拉面店嘅 bar 枱位都系每张个位有一 set，而咁啱我个位系冇的，要开口问先有。而，d调味料之一，系选用左七味粉，我认为有心思嘅拉面店应该系要用一味粉，因为七味粉除左辣味，仲有其他味道，会容易破坏个味道平衡。我正正加左七味粉之后，我就觉得味道失衡，但可能系我重手左都唔定。
值得一赞系，调味架上个酱油，佢有贯彻”无化调”嘅宗旨，选用左食唔出有加味精嘅酱油，虽然个汤本身够咸，但我都刻意额外试左几滴个酱油去核实呢件事，所以都值得一提。
最后，我都系清晒。顺带一提，个碗嘅设计同一兰有类似嘅点子，碗底有一句意思类近嘅句子，大概都系话：最后一滴汤令人超满足。不过，一兰系比到呢个感觉我，呢道就讲真冇。
整体 - 不推介。
题外话/补充资料：
我比服务满分，因为店员系有殷劝地招呼我，有求必应。纵使间店嘅运作有缺点，例如冇 QR code 落单，埋单要叫人来埋而唔系出去柜台（比较慢），同我以上提到，我个位冇调味架，全间店偏暗，全部都唔关店员事，都系店长或总公司嘅问题。
(以上食记乃用户个人意见 , 并不代表OpenRice之观点。)
张贴
